Үкімет Атырау облысындағы иммундау қарқынын қанағаттанарлықсыз деп таныды, деп хабарлайды AtyrauTODAY тілшісі.
Санитариялық-эпидемиологиялық бақылау департаментінің мәліметінше, жыл басынан бері өңірде қызылшаның 137 жағдайы тіркелген. Салыстыру үшін айтсақ, өткен жылы 304 жағдай анықталған болатын.
Вице-премьер Аида Балаева облыстағы жағдайды ерекше бақылауға алуды тапсырды және екпемен қамту деңгейінің төмендігі үшін әкімдердің дербес жауапкершілігін еске салды.
Ел бойынша жағдай сандармен:
• Жыл басынан бері Қазақстанда қызылшаның 1 951 жағдайы тіркелді.
• Аурушаңдық бойынша антилидерлер қатарында — Астана, Алматы, Жамбыл және Атырау облыстары.
• Қауіп тобында — ата-анасының бас тартуына байланысты вакцина алмаған бес жасқа дейінгі балалар.
Жағдайды тұрақтандыру мақсатында өңірлік штабтарға күнделікті мониторингке көшу және халық арасында ақпараттық-түсіндіру жұмыстарын күшейту тапсырылды.
Фото: ru.freepik.com
