Жол-көлік оқиғасы Құлсары қаласында 5 қараша күні кешке Махамбет даңғылы мен Сырым Датұлы көшесінің қиылысында болды, деп хабарлайды AtyrauTODAY тілшісі.
Полиция мәліметінше, әйел мен бала жолды белгіленбеген жерден кесіп өтпек болған сәтте оларды Hyundai маркалы көлік қағып кеткен.
Зардап шеккендерге медициналық көмек көрсетілді. Қазір осы оқиға бойынша тексеріс жүргізілуде.
Полиция тұрғындарға жолды тек белгіленген жерден өтуге және рульде аса мұқият болуға шақырады.
