Құлсарыда банкет залының шатырында өрт шықты, деп хабарлайды AtyrauTODAY тілшісі.
2026 жылғы 1 сәуір күні шамамен сағат 11:30-да Атырау облысы Жылыой ауданы, Құлсары қаласында банкет залдарының бірінен түтін шыққаны туралы хабарлама түсті.
Оқиға орнына жеткен өрт сөндірушілер ғимараттың шатырынан 200 м² аумақта өрт шыққанын анықтады. Ғимараттың жалпы аумағы 1000 м² құрайды.
Құтқарушылардың жедел әрекетінің арқасында өрт сағат 12:29-да толық сөндірілді. Сонымен қатар, жалынның ғимараттың басқа бөліктеріне таралуына жол берілмеді. Зардап шеккендер жоқ.
Өртті сөндіруге Жылыой аудандық өрт сөндіру бөлімінің 10 қызметкері, 4 техника бірлігі жұмылдырылды.
Өрттің шығу себебі — ғимарат шатыры астындағы шайырдың қызуы болған.
