7 сәуір күні сағат 7:30-да Атырау қаласының Солтүстік өнеркәсіп аймағында орналасқан қоқыс полигоны аумағында түтін шығу фактісі тіркелді, деп хабарлайды AtyrauTODAY тілшісі.
Оқиға орнына жедел түрде ТЖД күштері мен «СпецАвтоБаза» ЖШС жұмылдырылды — барлығы 65 адам және 35 техника тартылған.
Полигонның жалпы аумағы 35 гектарды құрайды, ал өрт ошағы шамамен 2 500 шаршы метрді алып жатыр. Өрттің бір бөлігі сөндірілді, қалған аумақта бықсуды оқшаулау және толық жою жұмыстары жалғасуда.
Қалалық ТЖ басқармасы бастығының міндетін атқарушы Сәбит Борашевтың айтуынша, өрттің таралуына жол бермеу үшін барлық қажетті шаралар қабылданып жатыр.
