Атырау маңындағы теміржол өткелінде тепловоз Volkswagen көлігімен соқтығысты — зардап шеккендер жоқ, деп хабарлайды AtyrauTODAY тілшісі.
17 наурызға қараған түні, шамамен сағат 00:20-да Атырау–Дамба тас жолындағы жанармай құю бекетінің маңындағы теміржол өткелінде тепловоз бен Volkswagen Passat автокөлігі соқтығысты. Көлікті 2000 жылы туған азамат басқарған.
Абырой болғанда, зардап шеккендер жоқ. Қазіргі уақытта оқиға орнында мамандар жұмыс істеп жатыр, оқиғаның себептерін анықтау үшін барлық қажетті материалдар жиналуда.
