Құлсарыда кофехана рұқсат құжаттарынсыз жұмыс істеген, деп хабарлайды AtyrauTODAY тілшісі.
Атырау облысының мемлекеттік сәулет-құрылыс бақылау басқармасы Құлсары қаласы әкімдігінің хаты негізінде Ш. Қалдаяқов көшесі, 52 мекенжайында орналасқан «Редстар» кофеханасына жоспардан тыс тексеру жүргізді.
Тексеру барысында мекеменің қажетті рұқсат құжаттарының жоқ екені анықталды. Осыған байланысты меншік иелеріне әкімшілік шаралар қолданылып, сондай-ақ анықталған заңбұзушылықтарды жою туралы нұсқама берілді.
