Атыраулық балықшылар түнгі балық аулауға тыйым салуға қарсы петиция бастады, деп хабарлайды AtyrauTODAY тілшісі.
Атырауда балықшылар түнгі балық аулауға тыйым енгізілуі мүмкіндігіне қарсы шығып, онлайн-петиция дайындады. Бастама Атырау облыстық спорттық балық аулау федерациясының өкілдері мен әуесқой балықшылардың бірлесуімен әзірленді.
Өтінішке жаңа реттеуді қолдамайтын кез келген адам қол қоя алады. Петицияға қол қоюдың егжей-тегжейлі тәртібін профильдік қауымдастық мүшесі болып табылатын атыраулық блогер өз видеосында түсіндірді.
Бастама авторлары балықшылар қауымдастығының ұстанымына назар аудартып, қабылданған шешімді қайта қарауға ықпал етуді көздеп отыр.
Қазақстан Республикасы Ауыл шаруашылығы министрлігінің 2026 жылғы 3 наурыздағы №78 бұйрығына сәйкес, 2026 жылғы 13 мамырдан бастап Қазақстанда, соның ішінде Жайық-Каспий бассейнінде, әуесқой және спорттық балық аулауға түнгі уақытта — сағат 22:00-ден 06:00-ге дейін тыйым салынады.
