Бұл туралы Атырау қалалық әкімдігі мәлімдеді, деп хабарлайды AtyrauTODAY тілшісі.
"Құрметті қала тұрғындары мен қонақтары! 15 наурыз күні Атырау қаласында қоғамдық көліктерде жол жүру тегін болады. Бұл шешім тұрғындардың сайлау учаскелеріне кедергісіз баруына, сондай-ақ қала ішінде еркін қозғалуына қолайлы жағдай жасау үшін қабылданды. Аталған күні қала аумағында қатынайтын автобустар әдеттегі кесте бойынша жұмыс істейді. Тұрғындар мен қала қонақтары қоғамдық көліктерді ақысыз пайдалана алады" делінген хабарламада.
Амандық САҒЫНТАЙҰЛЫ
