Атырау облысында Жем өзеніндегі гидрошлюз құрылысы толық аяқталды, деп хабарлайды AtyrauTODAY тілшісі.
Енді екі жыл бұрын су тасқынынан зардап шеккен Құлсары қаласы бағытындағы су ағыны реттелетін болады.
Нысан 100% дайын:
— биіктігі: 3,5 метр
— ұзындығы: 125 метр
— су өткізу қабілеті: секундына 6 текше метрге дейін
Су тасқыны кезінде су қоймада жиналып, кейін реттеліп жіберіледі — бұл су басу қаупін азайтуға мүмкіндік береді.
Сонымен қатар өңірде:
• Жем және Құрсай өзендерінің арналары 95 км-ге тереңдетілді
• 54 км қорғаныс бөгеттері салынды
• ауылдарда қосымша гидрошлюздер орнатылды
Су тасқынына қарсы шараларға облыстық бюджеттен 1 млрд теңге бөлінді.
Мамандардың мәліметінше, қазіргі су деңгейі былтырғыдан төмен:
157 см, ал өткен жылы осы кезеңде 260 см болған.
Дегенмен қауіп әлі де сақталады — таулы аймақтарда қар толық ерімеген, негізгі су ағыны сол жақтан күтіледі.
Өңірде төтенше жағдайларға дайын:
— 1700 адам
— 466 техника бірлігі
— шамамен 300 қайық пен мотопомпа
— 3 тікұшақ
Жағдай тәулік бойы бақылауда: 15 гидробекеттен алынған деректер әр 4 сағат сайын жаңартылып отырады.
